May
2020
10:00
18
202
2759
Virtual karabakh

Britaniyada koronavirusdan daha çox qaradərililər ölür - SƏBƏB

1 May, 2020
10:00
2759

Britaniyada koronavirusdan daha çox qaradərililər ölür - SƏBƏB

Bizim WhatsApp kanalımıza buradan abunə ola bilərsiniz

Böyük Britaniyada müxtəlif etnik qrupların nümayəndələri arasında koronavirusdan ölüm nisbəti fərqlidir.

Belə bir nəticəyə Birləşmiş Krallığın Fiskal Tədqiqatlar İnstitutunun (IFS) alimləri gəliblər.

Bu barədə saytın hesabatında bildirilir. Ölkə xəstəxanalarında adambaşına düşən ən yüksək ölüm nisbəti Karib dənizi və Afrika ölkələrindən, həmçinin, Pakistan və Banqladeşdən olan qaradərili mühacirlər arasında qeydə alınıb.

Bu rəqəm ölkənin ağdərili əhalisindən iki-üç dəfə çoxdur. Hindlilərin diasporunda və ağ əhalinin kiçik etnik qruplarında ölüm nisbətinin daha yüksək olduğu bildirilir. Eyni zamanda, irlandlar arasında ölənlərin sayının ingilislərdən daha az olduğu qeyd edilir.

Tədqiqatçılar hesab edirlər ki, bu fərq iqtisadi və sosial amillərin kompleksi, həmçinin, vətəndaşların sağlamlıq vəziyyəti ilə əlaqədardır. Bundan əlavə, müəyyən bir ərazidə coğrafi bölgü və əhalinin sıxlığı da ölüm səviyyəsinə təsir göstərir.

Ötən gün ölkənin Baş naziri Boris Conson gələn həftə karantin rejimi tədbirlərinin yumşaldılmasının mümkün olacağını, ancaq bunun üçün bütün addımların tibb mütəxəssisləri ilə razılaşdırılacağını deyib.

Bizimlə əlaqə saxlayın

Digər Dünya xəbərləri