Nazirdən MDB Oyunlarının taleyi barədə son açıqlama

Tatarıstanın paytaxtı Kazanda keçiriləcək I MDB Oyunlarının bu il keçiriləcəyi hələ ki bilinmir.

Oxu.Az xəbər verir ki, Tatarıstanın İdman naziri Vladimir Leonov bu ilin payızında Kazanda keçirilməsi planlaşdırılan yarışla bağlı fikirlərini bildirib:

“Təşkilat Komitəsi kimi biz MDB Oyunlarını qəbul etməyə hazırıq. Ancaq siyasi arenada baş verən hadisələr, viza problemləri, aviareyslərin bağlı olması və s. məsələr var... Bu səbəbdən tam şəkildə komanda yığmaq çətindir.

Hələ ki heç kim rəsmi şəkildə turnirin ləğvi və ya təxirə salınması barədə heç nə demir. Ancaq indiki situasiya yaxşı deyil”.

Qeyd edək ki, Azərbaycanın da təmsil olunacağı MDB Oyunları avqustun sonlarında keçirilməli idi. Lakin sonra yarış sentyabrın sonlarına, daha sonra oktyabrın əvvəllərinə təxirə salınıb.

Səbuhi Musayev