Rusiya Dnepropetrovsk vilayətini atəşə tutdu: Ölən və yaralananların sayı artdı - YENİLƏNİB + FOTO/VİDEO

Rusiyanın Dnepropetrovsk vilayətini atəşə tutması nəticəsində ölən və yaralananların sayı artıb.

Rusiyanın endirdiyi zərbələr nəticəsində Dnepropetrovskda iki nəfər, Sinelnikovoda isə altı nəfər həlak olub, 29 sakin yaralanıb.

Xəstəxanada daha bir uşağın dünyasını dəyişdiyi bildirilir.

11:36

Rusiya qoşunları Ukraynanın Dnepropetrovsk vilayətini atəşə tutublar, ölənlər var.

Bu barədə vilayət hərbi administrasiyasının rəhbəri Sergey Lısak məlumat verib.

İlkin məlumata görə, hava hücumundan müdafiə qüvvələri doqquz raketi vurub. Dneprdə yaşayış binası qismən dağılıb, iki infrastruktur müəssisəsinə də ziyan dəyib. Pavloqradda müəssisələrdən birinə, Sinelnikovoda 12 fərdi evə ziyan dəyib.

Hazırda Dneprdə iki nəfərin öldüyü, 15 nəfərin yaralandığı bildirilir. Sinelnikovo və Krivoy Roqda uşaqlar da daxil olmaqla altı nəfər yaralanıb. Səkkiz yaşlı bir uşaq xəstəxanada dünyasını dəyişib.

Mənbə: Meduza, Pravda.com