Monteneqro Rusiya səfirliyinin, demək olar ki, bütün diplomatik heyətini ölkədən çıxarıb - YENİLƏNİB
Monteneqro Rusiya səfirliyinin, demək olar ki, bütün diplomatik heyətini ölkədən çıxarıb - YENİLƏNİB
Monteneqro Rusiya Federasiyasının respublikadakı səfirliyinin demək olar ki, bütün diplomatik heyətini ölkədən çıxarıb.
Bu barədə cümə axşamı Rusiyanın Monteneqrodakı diplomatik nümayəndəliyindən məlumat verilib.
“Biz qovulma faktını təsdiq edirik. Demək olar ki, bütün diplomatik heyət ölkədən çıxarılır. Monteneqro hakimiyyətinin Rusiya Federasiyasının Monteneqrodakı səfirliyinə qarşı düşməncəsinə hərəkətləri səbəbindən səfirliyin konsulluq şöbəsinin işi 30 sentyabr 2022-ci ildən qeyri-müəyyən müddətə dayandırılıb”, - səfirlikdən bildirilib.
Mənbə: TASS
22:07
Monteneqro altı rusiyalı diplomatı “persona non-qrata” elan edib.
Bu barədə respublikanın Xarici İşlər Nazirliyindən məlumat verilib.
“Xarici İşlər Nazirliyi Rusiya səfirliyinin Monteneqroda akkreditə olunmuş altı diplomatını iki ölkə arasında diplomatik münasibətlər haqqında Vyana Konvensiyasına zidd hərəkətlərə görə persona non-qrata elan edib”, - deyə məlumatda bildirilib.
Qeyd edək ki, Ukraynada müharibənin başlamasından bəri rusiyalı diplomatların qərb ölkələridən qovulması adi hal alıb.
Mənbə: life.ru