26 
Sen
2022
17:50
134
874
22455
Virtual karabakh

Rusiyada məktəbdə dəhşət: Ölən və yaralıların sayı artdı - YENİLƏNİB + FOTO/VİDEO

26 Sen, 2022
17:50
22455

Rusiyada məktəbdə dəhşət: Ölən və yaralıların sayı artdı - YENİLƏNİB + FOTO/VİDEO

Bizim WhatsApp kanalımıza buradan abunə ola bilərsiniz

İjevskdə məktəbdə atışma nəticəsində ölənlərin sayı 15-ə çatıb.

Bu barədə Rusiya İstintaq Komitəsi məlumat verib.

Bildirilir ki, hadisə nəticəsində ümumilikdə 24 nəfər yaralanıb.

“Ölənlərdən 11-i uşaqlardır. Bundan başqa 22 uşaq və iki yetkin yaralanıb”, - deyə məlumatda bildirilir.

13:40

İjevskdəki məktəbdə atışmada ölənlərin sayı 13-ə çatıb.

Bu barədə Rusiya Federasiyasının İstintaq Komitəsi xəbər yayıb.

Məlumata görə, qurbanlardan yeddisi məktəblidir.

Qeyd edək ki, İjevskdə 88 saylı məktəbdə baş verən faciə ilə əlaqədar Udmurtiya Respublikasında sentyabrın 26-dan 29-dək matəm elan edilib.

12:09

Rusiyanın İjevsk şəhərində yerləşən 88 saylı məktəbdə atışma nəticəsində 10 nəfər ölüb, onlardan beşi məktəblidir.

Yaralanan şagirdlərin sayı 17-ə yüksəlib. Onların bəziləri yuxarı mərtəbələrdən tullanaraq güllələrdən xilas olublar.

Yeddi yaşında olan altı uşağa hazırda təcili yardım göstərilir. Onlardan ikisinin vəziyyəti ağır, dördünün vəziyyəti isə orta-ağırdır. Bunların bəziləri güllə yaraları,  digərləri isə pəncərədən tullanma nəticəsində yaranan sınıqlardır.

Məktəblilərə atəş açan şəxsin intihar etdiyi bildirilir.

11:57

Rusiyanın İjevsk şəhərində orta məktəblərin birində atışma olub.

Verilən məlumata görə, hadisə nəticəsində mühafizəçi və bir neçə uşaq yaralanıb. Bildirilir ki, dərs zamanı qara geyimli naməlum şəxs sinif otağına girərək atəş açıb. Məktəb direktoru yaralı yeniyetmələrlə kabinetdə gizlənməyə müvəffəq olub.

Polis və Milli Qvardiya hadisə yerindədir.

Məlumata görə, atəş açan şəxs hələ də saxlanılmayıb. Hüquq-mühafizə orqanlarının əməkdaşları onun axtarışlarını davam etdirirlər.

Qeyd edək ki, bu, Rusiyada bu gün yaşanan ilk atışma hadisəsi deyil. Bundan əvvəl məlum olmuşdu ki, Ust-İlimskdə bir nəfər çağırış məntəqəsində hərbi komissara atəş açıb və onu ağır yaralayıb, həmçinin Uryupinskdə 35 yaşlı şəxs hərbi komissarlığın qarşısına park etdiyi avtomobilini yandırıb.

Mənbə: REN TV

Bizimlə əlaqə saxlayın

Digər Dünya xəbərləri