Qubadlı şəhərinin işğaldan azad olunması Sumqayıt şəhərində sevinclə qarşılandı - VİDEO

Qubadlı şəhərinin işğaldan azad edilməsi xəbəri Sumqayıt şəhərində böyük coşqu ilə qeyd olunub. Sumqayıtda məskunlaşan məcburi köçkün ailələri sevinc içindədirlər.

Baku TV xəbər verir ki, Prezident İlham Əliyevin “Azərbaycan ordusu Zəngilan, Cəbrayıl, Qubadlı rayonlarının bir neçə kəndini və Qubadlı şəhərini işğalçılardan azad edib” şad xəbəri Sumqayıtda xüsusi coşqu ilə qeyd olunub. Bütün şəhərdə böyük izdiham yaşanıb. Azad olunan şəhər və kəndlərimizin sevincini yaşayan insanların bir hissəsi General Polad Həşimovun ailəsinin yaşadığı binanın qarşısına gələrək , “Başını dik tut şəhid anası” kimi ifadələr səsləndiriblər.