Güləş üzrə dünya çempionumuz Rusiyada faciəvi şəkildə öldü - YENİLƏNİB + FOTO
Güləş üzrə dünya çempionumuz Rusiyada faciəvi şəkildə öldü - YENİLƏNİB + FOTO
Sultan Nəsrullayev 2012-2013-cü ilə qədər sərbəst güləş üzrə Azərbaycan yığmasının üzvü olub.
Bunu Oxu.Az-a açıqlamasında Azərbaycan Güləş Federasiyasının (AGF) mətbuat xidmətinin rəhbəri Sərxan Musalı deyib.
Onun sözlərinə görə, bundan sonra S.Nəsrullayev yığmadan ayrılıb və Dağıstana köçüb.
S.Musalı bildirib ki, 7-8 ildir AGF ilə əlaqəsi olmayıb və onun ölümü ilə bağlı heç bir məlumatımız yoxdur.
14:28
Sərbəst güləş üzrə Azərbaycan yığmasının sabiq üzvü Sultan Nəsrullayev Rusiyada ağır yol-nəqliyyat hadisəsində ölüb.
Midag.ru xəbər verir ki, bununla bağlı əslən dağıstanlı olan idmançının yaxınları məlumat verib.
Qəza yanvarın 25-də Moskva-Həştərxan magistralının 607-ci kilometrliyində Voronej vilayətinin Qribanovski rayonunda olub.
Hadisə zamanı S.Nəsrullayevdən başqa üç nəfər də həyatını itirib.
Qeyd edək ki, 54 kq çəki dərəcəsində çıxış edən S.Nəsrullayev 2011-ci il avqustun 25-də Macarıstanın Sombathey şəhərində yeniyetmə güləşçilərin dünya çempionatında qızıl medal qazanıb.