Cəlilabadda tütündən istifadə qaydalarını pozan 12 nəfər cərimələnib.
Oxu.Az xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, Cəlilabad Rayon Polis Şöbəsinin əməkdaşları tərəfindən aprelin 30-da inzibati ərazidə hüquqpozmalara qarşı növbəti profilaktik tədbirlər keçirilib.
Tədbirlər nəticəsində tütün məmulatlarından istifadə qaydalarını pozan 12, qanunsuz küçə ticarəti ilə məşğul olan 10, məişət tullantılarını kənara atan 15, yaşayış yeri və olduğu yer üzrə qeydiyyat haqqında qanunvericiliyin tələblərini pozan beş nəfər barəsində İnzibati Xətalar Məcəlləsinin müvafiq maddələri ilə protokollar tərtib olunub.
