Şəhid XTQ kapitanının övladı dünyaya gəldi

Bu gün XTQ-nin şəhid kapitanı, dağ kəşfiyyatçısı Nurlan Mustafayevin oğlu dünyaya gəlib.

Bu barədə sosial şəbəkələrdə məlumat yayılıb.

Bildirilib ki, şəhidin oğluna atasının adı verilib. 

Qeyd edək ki, Nurlan Mustafayev oktyabrın 12-də Hadrut döyüşləri zamanı şəhid olub.

O, ölümündən sonra “Vətən uğrunda” medalı, “Azərbaycan Bayrağı” ordeni və “Cəbrayılın azad olunmasına görə” medalı ilə təltif edilib.