Azərbaycanda “FBİ” papaqlarının satışına qadağa qoyuldu
Azərbaycanda “FBİ” papaqlarının satışına qadağa qoyuldu
“Bu, ilk baxışdan ciddi olmayan məsələyə bənzəsə də...”
Üzərində “Yetim”, “Ağəli”, “Kasıb”, “Avara”, “Avtoş”, ölkədə yaşayan müxtəlif milli azlıqların adları və hətta ABŞ-nın Federal Təhlükəsizlik Bürosunun (FBİ) adı olan yay papaqları və geyimlərinin satışına hər yerdə rastlamaq olar.
Sədərək Ticarət Mərkəzində milli ayrıseçkilik və bölgəçilik aşılayan belə geyimlərin satışına qadağa qoyulub.
Oxu.Az xəbər verir ki, bu barədə məlumatı AzNews.az-a Sədərək Media Mərkəzinin rəhbəri Eltən İdrisoğlu verib.
Onun sözlərinə görə, bütün satış məntəqələrinə belə qeyimlərin yığışdırılması ilə bağlı göstəriş verilib:
“Bu, ilk baxışdan ciddi olmayan məsələyə bənzəsə də, əslində, ölkədə milli ayrıseçkilik, bölücülük və bölgəçilik hisslərini aşılamağa yönəlmiş cəhddir. Belə ki, ölkəyə gətirilən və ticarət mərkəzlərində satılan bir sıra geyim məhsulları cəmiyyətdə milli-ayrıseçkiliyi, məhəlli təəssübkeşlik hisslərini, bölücülüyü təbliğ edir, digər tərəfdən yeniyetmə və gənclər arasında mənəvi aşınmaya səbəb olur”.