Millət vəkili xərclənən pulların hesabatını istədi
Millət vəkili xərclənən pulların hesabatını istədi
“Nə üçün dövlətdən bu qədər pul ayrılırdı?”
Milli Məclisin iclasında deputat Qənirə Paşayeva 2007-2010-cu illərdə bağçalar üçün ayrılan pulların icra edilməməsi məsələsinə toxunub.
Oxu.Az ANS PRESS-ə istinadən xəbər verir ki, millət vəkili bundan başqa Səhiyyə Nazirliyinin ünvanına sərt ittihamlar səsləndirib. Deputat bildirib ki, şəkər xəstələri üçün alınan qlükomalar İnnovasiya Mərkəzində saxlanılıb və paylanılmayıb:
“Bəs ayrılan pul icra edilməyəcəkdisə, nə üçün dövlətdən bu qədər pul ayrılırdı? Eyni zamanda xroniki böyrək çatışmazlığı xəstəliyi olan şəxslərə verilən dərman prepartaları bazanın anbarında qalır. Həmin dərmanların istifadə müddətinin bitməsinə az müddət qalır. Amma buna baxmayaraq, dərmanlar istifadə edilməsi üçün ehtiyacı olanlara verilməyib. Onda bəs bu qədər pul xərclənib nə üçün dərmanlar alınırdı?”