İtzhak Perlman Heydər Əliyev Mərkəzində konsert verəcək - FOTO

Bakı daha bir dünya şöhrətli musiqiçini qarşılayacaq.

“Qremmi” mükafatçısı İtzhak Perlman Bakıya gələcək.

Oxu.Az xəbər verir ki, dünyanın məşhur skripka ifaçısı İtzhak Perlman aprelin 28-i saat 20.00-da Heydər Əliyev Mərkəzində konsert proqramı ilə çıxış edəcək.

Qeyd edək ki, İtzhak Perlman 31 avqust 1945-ci ildə Təl-Əvivdə dünyaya gəlib. Hazırda uzun illərdir ki, ailəsi il birlikdə ABŞ-da yaşayır.

İ.Perlman özünü Amerika xalqına 1958-ci ildə iştirak etdiyi “Ed Sullivan Show” ilə tanıdıb. 1964-cü ildə isə ilk dəfə “Carnegie Hall”da səhnəyə çıxıb və “Leventritt” müsabiqəsinin qalibi olub.

1987-ci ildə Varşava və Budapeştdəki konsertləri üçün İsrail Filarmoniya Orkestrinə qatılıb. Həmin orkestrlə birlikdə 1990-cı ildə Rusiyada, 1994-cü ildə Çin və Hindistanda konsert proqramları ilə çıxış edib.

Sonrakı illərdə “Qremmi” və digər mükafatlara layiq görülüb.

Aytən Sadıqzadə
www.oxu.az