Yay Olimpiya Oyunlarına vəsiqə əldə edən yunan-Roma güləşçimiz Rafiq Hüseynov onu tənqid edənlərə cavab verib.
Oxu.Az xəbər verir ki, bu barədə Azərbaycanın yunan-Roma güləşçisi Rafiq Hüseynov Yay Olimpiya Oyunlarına vəsiqə əldə etdikdən sonra “Instagram” hesabından paylaşım edib.
“Çəkdiyim əziyyət yerdə qalmadı. Ağır zədələrdən sonra özümü toparlayıb yenidən qalib gəlməyim daha da sevindiricidir.
Üzərimdə zəhməti olan hər kəsə təşəkkürümü bildirirəm. Bu lisenziyanı “divan tənqidçiləri”nə həsr edirəm. Hansı ki, mən Avropa çempionatında müəyyən səbəblərə görə məğlub olanda ağızdolusu danışırdılar ki, “qocalmışam, cavanların yolunu kəsirəm”. Onlar olmasaydılar, bu qədər prinsiplə məşq etməzdim.Arxamca danışıb məni qoca adlandıranlara təşəkkür edirəm. İstanbuldan sizə salamlar”, - deyə Rafiq Hüseynov qeyd edib.
Qeyd edək ki, Rafiq Hüseynov ikiqat dünya, üçqat Avropa çempiondur.
